రెవో సాంబా... అంటూ 'రౌడీ ఇన్స్పెక్టర్'లో బాలకృష్ణ చేసిన సందడిని అభిమానులు ఎప్పటికీ మరిచిపోలేరు. విజయశాంతితో కలిసి బాలకృష్ణ చేసిన ఆ పాట మాస్ ప్రేక్షకుల్ని ఎంతగానో అలరించింది. ఇప్పుడు అదే గీతాన్ని రీమిక్స్ చేసి తన సినిమాలో వినిపించబోతున్నారు కల్యాణ్రామ్. ఆయన కథానాయకుడిగా నటిస్తూ నిర్మిస్తున్న చిత్రం 'పటాస్'. శ్రుతి సోడి కథానాయిక. అనిల్ రావిపూడి దర్శకత్వం వహిస్తున్నారు. చిత్రీకరణ చివరి దశకు చేరుకొంది. ప్రస్తుతం రామోజీ ఫిల్మ్సిటీలో ప్యాచ్వర్క్ జరుగుతోంది. డిసెంబరులో చిత్రాన్ని ప్రేక్షకుల ముందుకు తీసుకొస్తారు. ఇందులో 'రౌడీ ఇన్స్పెక్టర్'లోని 'అరెవో సాంబా...' గీతాన్ని రీమిక్స్ చేసి వినిపిస్తున్నారు. బాబాయ్ పాటలో అబ్బాయ్ ఆడిపాడితే అభిమానులకు కొత్తగా ఉంటుందని భావించిన చిత్రబృందం ఆ నిర్ణయం తీసుకొన్నట్టు తెలిసింది. ''కల్యాణ్రామ్ పోలీసు పాత్రలో నటిస్తున్న చిత్రమిది. వినోదం, యాక్షన్ మేళవింపుతో తెరకెక్కుతోంది. కల్యాణ్రామ్ పాత్ర, చిత్రణ కొత్త తరహాలో ఉంటాయి. త్వరలోనే పాటల్ని విడుదల చేస్తాం'' అని తెలిపాయి చిత్రవర్గాలు. సాయికుమార్, బ్రహ్మానందం, అశుతోష్ రాణా, ఎమ్మెస్
